Sizin kompüter sərt diski niyə görmür və bunun üçün nə etmək olar

Kompüterinin sərt diski görmür? Bunun səbəbi proqram təminatının quraşdırlmalarında, kompüter və ya sərt diskin mexaniki zədələnməsində və ya qoşulmada ola bilər. Adi istifadəçiyə köməksiz bu tip problemləri həll etmək çətinlik yaradır. Lakin siz öz kompüterinizin problemini öz gücünüzlə həll etmək istəyirsinizsə, onda bu məqaləni oxuyun. Siz sərt diskdə yaranan problemlərin səbəbini və əlamətləri haqqında öyrənəkciniz. Əgər bundan sonra siz sərt diskinizin sıradan çıxdığına əmin olsanız, o halda iComp mağazasına müraciət edərək, operativ çatdırılma ilə yeni sərt disk sifariş edə bilərsiniz.

Sərt diskin sıradan çıxmasının əlamətləri

HDD kompüterdə əsas yaddaş qurğusu olduğundan, onun sıradan çıxması şəkillərin, videoların, lazımi fayl və proqramların silinməsinə gətirib çıxarır. Buna görə də, sərt diskdə problem hiss etdiyiniz an bütün vacib faylların rezerv üzünü köçürtməyinizi təklif edirik. HDD-nin sıradan çıxmasının əsas əlamətləri:

• Əgər PK sərt diski görmürsə, əməliyyat sistemi yüklənə bilmir. Bunun yerinə “HDD IDE 0 Master: None” mesajlı POST pəncərəsi yüklənir. Bunun səbəbləri qoşulma, BİOS-da səhv quraşdırma, əməliyyat sistemdə səhv və ya kabellərin nasazlığı ola bilər.
• Əgər kompüterdə bir neçə HDD quraşdırılıbsa və əməliyyat sistemi uğurla yüklənirsə, lakin, yükləndikdən sonra hansısa HDD diski görmürsə, bu yalnız konkret HDD ilə bağlı problem ola bilər.
• Ən çox yayılmış amillərdən biri - sərt disk normal görünür, lakin açılma cəhdlərinə cavab vermir. Özəlliklərində isə tam dolmuş görünür.
• Cihaz normal fırlanır, lakin məlumatları oxumaq mümkün deyil.

HDD Windows sisteminin quraşdırıldığı yaddaşdır. Normal halda 7-8 il işləməlidir, lakin işləmə qaydalarının pozulması, gözlənilməz əngəllər, virus və sairlər onun ömrünü azalda bilər. iComp mağazasında diskinizin işini tez bərpa etmək üçün ehtiyyat hissələri, kabellər və yuvalar satılır.

Kompüter sərt diski görmür, nə etməli?

Yuxarıda sayılmış hallar HDD-nin nasazlığından xəbər verir. Səbəblərdən və problemin aradan qaldırılma yollarından daha ətraflı danışacağıq.

BİOS quraşdırılmalarının yoxlanılması

PK işə düşdükdə HDD ilə işin iki mərhələsi var. İlkin baza mərhələsi BİOSdur. Onun açılması üçün bir neçə dəfə Del və F2 düymələrini sıxmaq lazımdır. BİOS menyusuna girdikdən sonra Boot bölümünə keçmək lazımdır. Sonra bu bölümdə sərt disklərlə bağlı bölümə keçid alıb, Hard disk Boot Priority hissəsində sizə lazım olan diski seçmək lazımdır. F10 düyməsi ilə dəyişiklikləri yadda saxlayıb, kompüteri yenidən başladırıq. Əgər sərt disk BİOS menyusunda görünürsə, deməli səbəbləri windows quraşdırmalarında axtarmaq lazımdır. Əgər görünmürsə, onda problem sərt diskin qoşulmasında ola bilər. Bu problemi həll etmək uçun kompüter yığımı haqqında baza biliklərə sahib olmaq vacibdir.

Sərt diskin Windows-da quraşdırılması

Ən çox yayılmış durum kompüterin yeni sərt diski görməməsidir, xüsusən də əgər sərt disklər bir neçə ədəd quraşdırılıbsa. Adətən yeni HDD format olunmayıb və işarələnməyib, buna görə də bunu özünüz etməlisiniz.

• İlk öncə Kompüterin idarəetməsi konsol bölümünə daxil olub, Disklərin idarəedilməsi hissəsində lazım olan HDD tapmaq lazımdır. Bunu etmək üçün Win və R düymələrini basıb, açılan pəncərədə compmgmt.msc komandasını yığmaq və təsdiqləmə düyməsini basmaq lazımdır. Windows 10 əməliyyat sistemində bu daha asandır. Start düyməsinin menyusunda Disklərin idarəedilməsi proqramı vardır.
• Sonra disklərin siyahısından lazım olan diski seçmək lazımdır (adətən o Disk 0 kimi göstərilir.) Əsas odur ki, disklər səhv salınmasın və lazım olan disk seçilsin, əks halda bu məlumat itkisinə gətirib çıxara bilər.
• Lazım olan diski seçib, üzərində mausun sağ düyməsini sıxırıq, açılan menyuda İnisalizasiya bölümünü seçirik.
• Bölümün stilini seçməyə imkan verən pəncərə açılacaq, seçim cəmi 2 növdür: MBR və GPT. Birinci 2 TB həcm yaddaşa qədər seçilir, ikincisi 2 TB həcmdən çox olarkən.
• İndi artıq hissələrə bölünməmiş diskin üzərində 2 dəfə klik edib, açılmış menyuda “Sadə cild yaradılması” bölümünü seçə bilərik. Bundan sonra sadə cild yaradılması üçün proqram açılacaq. Göstərişlərə uyğun olaraq hərəkət edib, növbəti düyməsini basaraq proqramı sona çatdırırıq. Sonra “Hazır” düyməsinə basırıq.

Əgər bütün hərəkətlər düzgün aparılıbsa, sonda disklər bölümündə yeni adda disk əmələ gəlməlidir. HDD-nin görünməməsinin daha bir səbəbi viruslarla bağlı ola bilər. Bu problemlə bağlı diaqnostikanı da sərbəst aparmaq olar.

Səhv qoşulma və ya kabel-yuva nasazlığı

Əgər yuxarıda sayılan məsələlər problemi həll etmədisə, o zaman SATA yuvaları yoxlamağa çalışın. İlk öncə kabelləri ayırıb, yenidən qoşun və kompüteri yandırın. Əgər qoşulma problemi varsa, bu hərəkətlər problemi aradan qaldırmalıdır. Yaxud SATA kabeli dəyişməyə çalışın. Kabel və yuvaları yoxlamazdan əvvəl, kompüteri cərəyan şəbəkəsindən ayırın. Kabellərə isə zor tətbiq etməyin. Əgər sizin kompüterin kabel və ya digər ehtiyyat hissəsi sıradan çıxıbsa, siz çox asanlıqla bizim mağazadan kuryer vasitəsilə yeni ehtiyyat hissələri sifariş edə bilərsiniz.

Sərt disk lazımdirsa, problemi iComp-la həll edin!

Bizim internet mağaza tək HDD ilə deyil, ümumi kompüterin bütün nasazlıqları üzrə ehtiyyat hissələrini sərfəli qiymətə təklif edir. Əgər siz seçimdə qərarlı deyilsinizsə, bizim mütəxəssislər sizə pulsuz olaraq məsləhət verə bilərlər. Bizə zəng edin və ya onlayn çat vasitəsilə yazın.