SSD və ya HDD - hansı yaxşıdır?

Əvvəlcədən cavab verək ki, sərt səthli disk (SSD) sərt diskdən (HDD) yaxşıdır, amma bahadır. Sualı başqa cür qoyaq - SSD-nin üstünlüyü üçün əlavə pul xərcləməyə dəyərmi? Bəlkə qiymət arasında fərq elə böyükdür ki, HDD-ni bəzi çatışmamazlıqlarına göz yummağa dəyər? Bu məqalədə biz hər iki yaddaş qurğusunu müqayisə edəcəyik, üstünlüklərinə və çatışmamazlıqlarına nəzər salacağıq və söhbət arası bu qurğuları hardan daha ucuz əldə edə biləcəyiniz haqqında danışacağıq.

SSD-nin üstün və çatışmayan cəhətləri

SSD (ingiliscə solid state drive) yaddaş mikrosxemlərindən ibarət sərt səthli diskdir. Sərt disklə müqayisədə onun üstünlükləri:

• Yüksək sürətli oxuma/yazma. Sürət həddi 600 MB/s-dən də yüksəkdir.
• Kiçik fayllarla yüksək sürətli iş. Çox sayda xırda fayllarla iş qurğunun işini zəiflətmir.
• Tərpənən detalların olmaması. Qurğunun işi onun fəzada formasından asılı deyil. Onu əymək, hətta çevirmək belə olar.
• Səssizlik. Bu qurğuda sadəcə səs çıxara bilən heç nə yoxdur.
• Zərbələrə davamlıdır. Yerə düşdükdən sonra belə çalışmağa davam edir.
• Rahat və yüngül. Qurğu 2.5 form faktorunda istehsal olunur. Yaddaşın həcmindən asılı olmayaraq, qurğunun çəkisi 40-50 gr olur.
• Enerjiyə qənaət. Noutbukların batareyadan işləmə vaxtını biraz uzadır.

Çatışmamazlıqlar:

• Yüksək qiymət. 2017-ci ildə 1 GB SSD 1TB SSD-dən 350% baha idi, 2019-cu ildə isə bu fərq 80%-ə enib. Hər il vəziyyət yaxşılığa doğru dəyişir.
• Məhdud sayda yenidənyazılma dövrü. SSD disklərdə ən çox istifadə olunan yaddaş tipi MLC-dir, o 3000 yenidənyazma dövrünə dözə bilir. Bu elə də böyük rəqəm deyil, amma müasir SSD disklərdə yaddaşın bütün sektorlarının bərabər şəkildə işlənməsinə nəzarət edən kontrollerlər var. Bu texnologiya qurğunun, hətta çox aktiv istifadəsində belə, ömrünü bir neçə onillik uzadır.

HDD-nin üstünlükləri

HDD (ingiliscə hard disk drive) maqnit zapisi prinsipi ilə işləyən, ixtiyarı girişli qurğudur. Mənəvi cəhətdən o artıq köhnəlib, amm bəlkə onu hətta 2019-cu ildə belə siyahıdan silmək tezdir?

SSD ilə müqayisədə HDD-nin üstünlüklərinə nəzər salaq:

• Ucuz qiymət. 3 TB yaddaşa malik HDD 200 manata əldə oluna bilər, bu böyük həcmdə informasiyanı saxlamaq üçün ucuz variantdır.
• Böyük ölçülər: HDD yaddaşın həcmindən asılı olmayaraq ölçülərində dəyişmir. Bu da o deməkdir ki, hətta çox böyük həcmdə yaddaşa malik HDD istehsalda çətinlik törətməyəcək və yenə də qiymətdə ucuz olacaq.

SSD və HDD-nin əsas fərqləri

Biz qurğuların əsas fərqlərini kağız üzərində qeyd etdik, bəs əgər siz SSD almağı qərara alsanız, o halda nə əldə edəcəksiniz? sərt səthli disklərin sərt disklər qarşısında üstünlüklərinə baxaq:

• Oxuma/yazmanın yüksək sürəti, 600 MBps 90 MBps-ə qarşı. Bu fərq hər şeydə hiss olunur - Windows sisteminin yüklənməsi (20 saniyə 2 saniyəyə qarşı), oyunlar, köçürmə, proqramların işləməsi və s.
• Kiçik faylarla iş sürəti. Böyük sayda kiçik fayllarla işlədikdə HDD sürətini 0.7 MBps-ə qədər itirir, SSD isə 100 Mbps-ə qədər. SSD-nin bir neçə dəqiqəyə görəcəyi iş HDD-də bir neçə saat uzana bilər.
• Azaldılmış çəki. 1TB-lıq HDD 450 gr çəkiyə malikdir, eyni çəkidə SSD isə 40 gr. Qurğunun yüngül çəkisi portativ cihazlarla işi asanlaşdırır, məsələn noutbuk, portativ sistem bloku və s.
• Uzunömürlüluk. HDD çox tez köhnəlir, daşınma, yerə düşmə vaxtı və ya maqnit dalğalarının təsiri nəticəsində sıradan çıxa bilər.

Müqayisə nəticəsində görmək olar ki, SSD sürətli, kompakt və uzunömürlü, lakin biraz baha variantdır, amma rahat və stabil iş təmin edir. Bununla belə yaddaş qurğusunun seçimi yenə də sizin imkan və seçiminizdən asılıdır.

Bakıda SSD və HDD qurğularını “iComp” internet mağazasından alın

“iComp” internet mağazasındn sərt sərtli disk və ya sərt disk sifariş edin. Biz tanınmış istehsalçıların SSD və HDD qurğularını sərfəli qiymətə təklif edirik. Bakı və Azərbaycan üzrə çatdırılma təşkil edirik. Ətraflı məlumat almaq və sifarişi rəsmiləşdirmək üçün bizimlə əlaqə saxlayın.