Oyunçu dəsti: Oyun kompüteri seçimində məsləhətlər
İldən ilə kompüter oyunları daha da ağırlaşır. Həvəskar oyunçular maksimum reallığı əldə etmək üçün daim kompüterlərini yeniləmək məcburiyyətində qalırlar. Lakin texnologiya bir yerdə durmur və elə vaxt gəlir ki, artiq yeniliklə kompüteri işlək vəziyyətdə saxlamaq olmur. Artıq yeni kompüter almaq sualı ortaya çıxır. Bu məqalədə 2020-ci ilin ən tələbkar müasir oyunlarının tələblərinə cavab verən kompüter xarakteristikaları ilə tanış olacaqsınız.
Oyun kompüterlərinin daxili parametrləri
Kompüteri hazır yığılmış almağınızdan və ya detallardan özünüz yığmağınızdan asılı olmayaraq bu kompüter müəyyən tələblərə cavab verməlidir. Bu tələblər sürətli prosessor, effektiv soyutma sistemi, güclü videokart, böyük həcmli yaddaş qurğusu və lazımı həcmə malik operativ yaddaşdan ibarətdir. Bu komponentlərin hər birinin özəllikləri oyun kompüterinin sürətinə birbaşa təsir edir, ona görə də onların hər birinə ayrılıqda nəzər salaq:
- Oyun kompüterinin prosessoru bu maşının beynidir, məlumatların işlənməsində sürət və imkanlar birbaşa ondan asılıdır.
- Soyutma sistemi kullerlər dəsti və radiatorları özündə birləşdirir və elektrosxemlərin hərarətinin aşağı salınmasına cavab verir.
- Oyun kompüterinin videokartı görüntünün vizualizasiyasına cavabdehdir. Ekrandakı görüntünün reallığının səviyyəsini birbaşa videokartın gücündən asılıdır.
- Sərt disk və ya SSD əsas məlumatın, həmçinin oyunlarınızın kompüterdə saxlanılmasına xidmət edir.
- Operativ yaddaş oyun vaxtı prosessorun bilavasitə müraciət etdiyi müvəqqəti faylları özündə saxlayır.
Oyun kompüterini necə seçməli
Sistem bloku parametrlərini seçərkən, nəzərə alın ki, müasir oyunlar günü gündən daha çox resurs tələb edir. Buna görə də hər dəfə kompüteri yeniləməmək üçün, bügünki gün üçün ən güclü parametrli kompüteri almaq daha məsləhətdir. Oyun kompüterinin əsas tələblərinə nəzər salaq:
- Müasir bazarda diqqətə layiq yalnız 2 istehsalçının, İntel və AMD şirkətinin prosessorları diqqətə layiqdir. Birinci prosessorlar sürətlidir, lakin bahadır. Oyun kompüteri üçün ən yaxşı seçim i5, i7 və ya i9 çipsetləridir. AMD prosessorları sürətdə çox az geri qalsa da, tez qızır, lakin qiyməti ucuzdur. Bu seqmentdə AMD Ryzen 7 modelləri yaxşı seçim sayıla bilər.
- Bu gün iki tip soyutma sistemi, hava və maye tipli soyutma sistemləri mövcuddur. Hava soyutma sistemləri mexaniki ventilyatorlardan ibarətdir, onun effektivliyi ventilyatorun ölçüləri və sayından asılıdır. Maye tipli soyutma sistemləri daha güclü kompüterlərə quraşdırılır, oyun effekti çox yüksəkdir, lakin sistem blokunun qiymətinin qalxmasına çox təsir göstərir.
- Oyun kompüterinin videokartı minimum 4 GB olmalıdır, amma 8 GB və daha yüksək olsa daha yaxşıdır. Bu yaddaş görüntünü Quad HD (2560 x 1440) formatında yüksək keyfiyyətlə göstərməyə imkan yaradır. GeForce xəttində bu tipli videokartlar GTX 1650, RTX 2070 və daha yüksək seqmentli videokartlardır. Radeon xəttində RX 570, RX 590 və daha yüksək.
- Sərt disk maqnitli (HDD) və sərt səthli (SSD) ola bilər, lakin sistem blokunda bunların hər ikisinın quraşdırılması daha yaxşıdır. Maqnitli sərt disk böyük həcmli faylların saxlanılması üçün daha əlverişlidir. Sərt səthli disk isə sistemin və programların istifadəsi üçün gözəl variantdır. SSD disk HDD diskdən sürətli işlədiyinə və böyük həcm tələb etmədiyinə görə onun həcmi 500 GB olsa sistem üçün kifayət edər.
- Müasir oyunların çoxluq təşkil edən hissəsinə 16 GB operativ yaddaş kifayət edir. Lakin yaddan çıxarmaq olmaz ki, yeni oyunlar çıxdıqca operativ yaddaşa olan ehtiyac artır. Operativ yaddaşın həcmi bir başa kompüterin qiymətinə təsir edən amillərdəndir. Ona görə də lazım olan həcmi əvvəlcədən müəyyənləşdirmək lazımdır.
Azərbaycanda oyun kompüterlərinin satışı
iComp internet mağazasının Gaming Zone bölümündə geniş çeşiddə müxtəlif konfiqurasiya və qiymət seqmentində hazır oyun kompüterləri və ehtiyyat hissələri təqdim olunmuşdur. Bizim mağazada hər zövqə uyğun kompüter almaq olar, biz sizə və cibinizə uyğun kompüter seçməyə kömək edərik. Ödənişi kredit yolu ilə də rəsmiləşdirmək mümkündür. Çatdırılma həm Bakı, həm də Azərbaycanın digər bölgələri üzrə operativ həyata keçirilir.
Bizim menecerlər sizinlə ən yaxın vaxtda əlaqə saxlayıb, lazım olan məlumatla təmin edəcəklər.